【星級專欄:媽咪姐】劫機嘅嘢,我哋識條跑道
呢幾日啲新聞追到大家睇唔切,早兩日black eye peas(BEP) 開show,宇宙走上台被噓事件,其實都已經夠大家花生,花生大賣原因,當然係同一單嘢但有兩邊唔同講法至係好笑。 首先宇宙就話自己朝早收BEP call,問佢當晚玩唔玩(見下圖佢ig自爆),睇落非常合情理,但轉頭主辦單位又話完全唔知情(又見圖),咁即係溝通上問題定係點呢? 總之,BEP多年來咁受歡迎,今次俾人噓爆應該都係難忘經歷。 媽咪姐再入去宇宙個ig睇留言,發現好多人支持佢架,不過好多都係簡體字,唔太睇得明,當然亦有用純正廣東俗語落去踩場挑機嘅,大家得閒不妨花生下。回番帶,其實宇宙已經唔係第一次喺大show瀨嘢,2013年Clockenflap請過佢做表演,亦都觸動到不少樂迷神經話要杯葛。至於今次現場情況,媽咪姐問過在場朋友,原來真係噓得好勁,粗口更加少不免,令大家有一個好難忘嘅晚上。 騎劫呢家嘢,上個禮拜另一家姓鄧嘅就玩得高手好多,仲要喺殯儀館玩喎,係呀我講祥嫂,明明係一個悲哀嘅場合(魯芬出殯),祥嫂竟然搬呀兆尊呀、祥哥呀、澳門華哥呀、甚至連分家產都講埋,隔離助攻嘅夏蕙姨完全唔駛惦波咁劑,結果成功洗版,個位又冇得失到主人家,但又令大家笑到今日(有啲娛圈朋友直情背曬成段嘢),呢啲至係劫機界老薑,我哋啲後輩真係識條跑道。
環球媽咪姐
【潮流扮靚】兩位想法截然不同的女生.成功創立國際品牌
只要有夢想,凡事可成真! 兩位想法截然不同的女生,一位滿腦子不可思議的想法;另一位性格樂觀且很有耐性,打造了衝出世界的西班牙品牌CARLA LOPEZ。品牌由Carla López及Emilia Arzúa主理,早已於多個設計比賽中發揮得淋漓盡致的Carla於2011年獲得時裝設計學士學位;而Emilia於2008年獲得了廣告和公關學位,兩位在產品創作的各個方面及對質量都有共同的理念,於是一拍即合成功創辦了屬於她們自己的品牌。 CARLA LOPEZ 2017春夏系列添加了一些超現實主義的元素,選取與時尚世界無關的物件,如﹕動物、五官、身體各部位都成為了她重要的設計元素。作品設計是在圓形或幾何形狀的純棉天鵝絨手提包上,綴有身體或動物造型的黃銅雕塑裝飾,全部以人手製作,獨一無二,優雅的外觀輪廓,與玩味的細節,形成有趣的衝突及強烈的對比。她們的作品在香港都可以買得到,各位充滿夢想及創意的年輕人,裝備好自己,隨時有機會成為下一個國際品牌的創辦人!
潮流扮靚
【娛樂快遞】校長孖孫楠宣揚環保訊息
以環保為主題的《#地球人醒來吧》,由校長包辦曲詞,他十分重視環保,因為關乎到下一代,近年推動環保已是燃眉之急,更加不容忽視。校長找來中國最好男聲孫楠,共同將環保訊息宣揚開去,透過音樂向大眾灌輸正確知識。激昂而有層次的旋律,配合兩位靚聲之人在《地球人醒來吧》歌曲中的演繹各有千秋,即睇訪問片段!
娛樂快遞
【娛樂快遞】祝達哥生日快樂繼續搞笑
達哥祝你生日快樂🎂 繼續帶歡樂和好歌俾大家🎉 更預祝達明一派三月演唱會順利成功💪
娛樂快遞
【潮流扮靚】英國名模Edie Campbell將鞋履幻化童話
踏入三月,時裝界各個品牌的春夏服飾鞋履系列已經好似火山爆發一樣湧出來了。超過五十年鞋履經驗的英國品牌《KURT GEIGER》於今個春夏找來名模Edie Campbell為2017春夏女裝系列揭開美麗序幕,系列以「KURT GEIGER的時尚童話女主角」為主題, Edie Campbell穿上雪紡上衣配上紅粉菲菲的妝容及飾物,配上新系列的鞋履及手袋,令到成件事型晒。其實設計師Rebecca Farrar-Hockley是以「新一年,新開始」為靈感,通過玫瑰色系及「愛、魔法和魅力」的鏡片去看世界,從時尚反映出正面的態度。一齊看看整輯廣告的造型相片,感受充滿愛的正能量啦!
潮流扮靚