推介
雜誌分類

【飲食蒲點】Xmas開P飲咩好?嚴選今年聖誕最有趣稀奇雞尾酒

Jingle Bell Jingle Bell~天氣開始轉涼,又係到聖誕的氣息!講到Christmas Party又點少得飲返杯呢?今季坊間就有唔少地方先後推出特別的雞尾酒,自問酒鬼的一定會有興趣,就等小編精選幾杯特色cocktail比你地啦~ 今年就有酒吧以尋找聖誕奇蹟為題,為食客炮製出一系列今季最千奇百怪的雞尾酒。例如呢一杯「You’ll Shoot Your Rye Out」,白雪雪的外表真係未必估到佢入面的配方,原來個底係用左帶有南瓜香味的黑麥威士忌,再混合埋棉花糖糖漿及雞蛋,勝在夠創新!
2015-02-05T08:00:00+08:00
【飲食蒲點】Xmas開P飲咩好?嚴選今年聖誕最有趣稀奇雞尾酒
撰文: Toby

Jingle Bell Jingle Bell~天氣開始轉涼,又係到聖誕的氣息!講到Christmas Party又點少得飲返杯呢?今季坊間就有唔少地方先後推出特別的雞尾酒,自問酒鬼的一定會有興趣,就等小編精選幾杯特色cocktail比你地啦~

今年就有酒吧以尋找聖誕奇蹟為題,為食客炮製出一系列今季最千奇百怪的雞尾酒。例如呢一杯「You’ll Shoot Your Rye Out」,白雪雪的外表真係未必估到佢入面的配方,原來個底係用左帶有南瓜香味的黑麥威士忌,再混合埋棉花糖糖漿及雞蛋,勝在夠創新!

「You’ ll Shoot Your Rye Out」

而除左在味道上大玩創新之外,Lily & Bloom更加在Cocktail的外觀上花心思,就如這一杯以聖誕老人作裝飾的「Bad Santa」,未拎上手已經覺得好有氣氛。不過唔好睇落得得意意咁,因為佢名符其實係「Bad」的聖誕老人,單係本身已經混和了熱香料紅酒、橙酒和茶色波特酒3種酒,而配上香料及金黃葡萄乾更容易遮蓋當中酒精感,令人容易一飲再飲~

「Bad Santa」

如果上面的雞尾酒的配料太Fancy,而你又鐘意返啲更經典但又有變化的味道,或者去另一間酒吧Blue Butcher的Cocktail會較適合你。今季Blue酒吧既特色雞尾酒以音樂為主打,每杯雞尾酒都以著名的樂曲命名。就好似這一杯「Forever Young」,以自家製檸檬汁為主,清新得黎帶點微酸,而杯口更特別刷上由紅莓提煉的果漆,紅色色調就同聖誕最夾。

「Forever Young」

Blue酒吧逢星期二晚上和週末的早午餐時段,餐廳內更安排Vintage and Vocals音樂之夜,可以一路聽住live music一路飲住杯Cocktail,同愛人過個Groovy聖誕喇~

大家又準備好將千奇百怪的聖誕「飲落」肚,過個暖笠笠的佳節未?


Lily & Bloom
中環蘭桂坊雲咸街33號 LKF Tower 5樓及6樓
資料來源:The Forks & Spoons

Blue Butcher
香港中環荷里活道108 號
資料來源:Maximal Concepts