推介
雜誌分類

【生活品味】Clockenflap著乜帶乜?一頁比你睇晒音樂節DOs and DON'Ts!

11月又到,亦都意味著....Clockenflap又番黎啦! 一連三日的Clockenflap將於11 月17 日至19 日於中環海濱舉行,橫跨成個weekend,為大家帶來超過100 個國際、亞洲與本地音樂表演單位。話晒係香港最大型的戶外音樂及藝術節,當然有唔少重頭嘉賓,包括MASSIVE ATTACK、THE PRODIGY及加拿大indie女神 Feist! 去戶外音樂節少不免日曬雨淋,小編係度準備左懶人包,等Clockenflappers跟住checklist輕鬆執袋!
2015-02-05T08:00:00+08:00
【生活品味】Clockenflap著乜帶乜?一頁比你睇晒音樂節DOs and DON'Ts!
撰文: Aubrey

11月又到,亦都意味著....Clockenflap又番黎啦!

一連三日的Clockenflap將於11 月17 日至19 日於中環海濱舉行,橫跨成個weekend,為大家帶來超過100 個國際、亞洲與本地音樂表演單位。話晒係香港最大型的戶外音樂及藝術節,當然有唔少重頭嘉賓,包括MASSIVE ATTACK、THE PRODIGY及加拿大indie女神 Feist! 去戶外音樂節少不免日曬雨淋,小編係度準備左懶人包,等Clockenflappers跟住checklist輕鬆執袋!

DO! 防曬霜,蚊怕水

天氣不似如期,但要玩就一定要防曬!長時間企係烈日當空下一定好易曬傷,就算你想曬黑都唔好揀暴曬咁dry啦!為防變黑面,防曬霜是必須的~惹蚊的朋友都要自備蚊怕水以防喂蚊

DO! 穿著要極方便

音樂節衣着好緊要,身體一定會隨着音樂擺動,又會大汗淋漓,讓你自由活動的棉質T-shirt或one-piece裙就最適合不過。怕曬傷的Clockenflappers可以帶帽,至於高踭鞋就諗都唔好諗啦,一於著運動鞋配上背囊,免得腰骨痛!

DO! 後備電

一日流流長,後備電源當然唔少得,除咗會不停同朋友合照,更會亮起電筒代替螢光棒,環保又快捷!

DON'T! 塑膠器皿

Clockenflap最希望所有音樂狂迷都支持環保,所以今年場內所有食物供應商均嚴禁使用塑膠器皿,亦希望Clockenflappers可以攜帶循環使用的器皿。主辦方今年亦將與Life Solutions 和BottLess 聯手,於音樂節的現場提供飲水站及重用的鋁製水樽,環保方便之餘,方便觀眾補充水分!

DON'T! 傘

要知道,戶外音樂節撐起傘來,會遮擋後面睇show的觀眾,更會戳到別人的眼睛。 所以要做個人見人愛既Clockenflappers,下雨時請用雨衣~

場內除了有無限live music放送之外,還可以欣賞不少藝術裝置。其中一個是歐美大熱的"BALLOON CHAIN",一個由大量氦氣充氣球連結而成、隨風不斷變化的巨大裝置,過去十年來於Coachella 和Burning Man 等國際著名音樂及藝術節一直大受喜歡,是「must」打卡位!此外,今年更召集多家本地手藝製作單位展出30 個不同的手工藝品攤位,觀眾可以逛逛手工藝市集,把心頭好帶回家亦得。